ES | EUS | EN

Ekitaldietan Segurtasuna

Ekitaldi eta Antolatzaile nabarmenenak

Zer eskaintzen dugu?

IPAR S.A.R.-en, ur ingurunean garatzen diren mota askotariko ekitaldietarako segurtasuna eskaintzen dugu.

Hainbat kirol ekitalditan segurtasuna ematen esperientzia dugu, hala nola igeriketa zeharkaldi, triatloi, estropada edota surf txapelketetan. Halaber, itsasotik hurbil garatzen diren eta segurtasun dispositibo baten beharra duten ekitaldi kulturaletan ere egon ohi gara.
Ekitaldi bakoitza baino lehen probaren ezaugarrietara egokitutako segurtasun plan bat garatzen dugu parte-hartzaile kopurua, arrisku eta ebakuazio guneak, baldintza meteorologikoak eta abar kontuan hartzen.
Egunean bertan, etengabeko zaintzan oinarritutako segurtasun aktiboa bermatzen dugu, berehalako erreskate eta lehen sorospena eskainiz.
Segurtasun lanak modu eraginkor batean aurrera eramateko, DESA eta oxigenoterapiaz hornitutako salbamenduko itsasontzi bat, erreskateko uretako motorrak, erreskateko oholak eta puntu estrategikoetatik begirale lanak egiten dituzten sorosleak ditugu.

Esperientzia

Euskal kostaldean garatzen diren erreferentziako hainbat kirol ekitalditan segurtasuna eskaini ohi dugu, hala nola Zarauzko Triatloian, Donostiako Triatloian, Getaria-Zarautz igeriketa zeharkaldian, Mundakako surf txapelketan, Donostiako Uharteari Bira zeharkaldian edota Zumaiako estropadetan.

Gure erreskateko uretako motor, salbamenduko itsasontzi eta erreskateko oholen bidez etengabeko segurtasun eta beheralako erantzuna bermatzen ditugu kirolari eta antolatzaileek modu seguruan jardun dezaten itsas ingurune zorrotzetan ere.

Segurtasuna plangintza on batetik hasten da

Segurtasun-dispositibo on bat ekitaldia baino askoz lehenago hasten da. Xehetasun bakoitza aztertzen dugu ekitaldi bakoitzaren beharretara egokitutako segurtasun eraginkor eta profesional bat eskaintzeko.

Kontakta gaitzazu

"Profesionaltasunez eta eraginkortasunez egiten dute lan, egoera konplexuei erantzuteko gaitasunarekin. Zalantzarik gabe, 10eko taldea! Itsasoan mota honetako ekitaldietan segurtasuna emateko talde bikaina."

★★★★★ ZTE Triatloia