ES | EUS | EN

Formakuntza Integrala

Uretako erreskateko hiru diziplina nagusiak bateratzen dituen formakuntza aurreratua

Hiru diziplina,

esku-hartzeko modu bera

Uretako erreskateak teknika edo tresna bakar bat erabiltzen jakitea baino askoz gehiago eskatzen du. Egoera bakoitzean ingurunea aztertu, arriskuak baloratu eta interbentzioa segurtasunez egiteko baliabide egokiena aplikatu behar da.

Uretako sorospena, uretako motor bidezko erreskatea eta ontzien bidezko erreskatea uztartzean, erreskatearen ikuspegi orokor bat garatzea ahalbidetzen da, interbentzio batean diziplina bakoitzak duen garrantzia ulertzeko.

Gure formakuntza integrala ur-ingurunean bere gaitasunak areagotu nahi dituzten pertsonentzat diseinatuta dago, ezagutza tekniko, gaitasun praktiko eta erreskate-prozesuaren ikuspegi orokor bat lortuz.

Zer lantzen dugu formakuntzan?

Uretan garatzen den edozein interbentzioren oinarria da. Uretan lan egiteko, larrialdi-egoerak aztertzeko, erreskateak egiteko eta lehen sorospenak aplikatzeko gaitasunak lantzen dira.
Eszenatoki ezberdin eta leku konplexuetara azkartasunez iristeko ezinbesteko baliabidea da. Motorra gidatzeko, lekura hurbiltzeko, biktima ateratzeko eta erreskaterako teknika ezberdinak lantzen dira.
Interbentzio batean distantzia zabalagoa eta biktima kopuru handiagoa erreskatatzeko ezinbesteko baliabidea. Nabigazioa, galdutako pertsonen bilaketa eta erreskatea lantzen dira.

Hiru diziplinak elkar lotuta daude. Arlo batean landutakoak beste arloak indartu eta osatzen ditu sinergia bat sortuz. Modu honetan, edozein egoeraren aurrean eraginkortasun osoz jardutea baimentzen da.

Talde baten moduan lan egitearen garrantzia

Diziplina bakoitzak gaitasun ezberdinak eskaintzen dituen arren, hauen benetako balioa interbentzio batean guztiak elkar integratzen direnean agertzen da.

Forkamuntza integralaren helburua parte-hartzaileek baliabide bakoitzaren eginkizuna ulertzea da, haiek elkarlanean erabiltzen ikasi eta erreskatearen ikuspegi orokor bat lortzeko. Diziplina hauen arteko eta interbentzio taldearen koordinazioa lantzen dugu, edozein egoeratan modu antolatu eta eraginkorrean jardutea baimentzeko.

Zalantzarik geratu zaizu?

Talde bakoitzaren maila eta helburuetara egokitutako formakuntza pertsonalizatuak diseinatzen ditugu uretako ingurunean erreskateak aurrera eramateko gaitasunak areagotzeko.

Kontakta gaitzazu